चिकोडी : जिल्हा व राज्यस्तरीय अशा दोन गटात सतीश शुगर्स क्लासिक-2024 शरीरसौष्ठव स्पर्धेचे आयोजन करण्यात आले आहे. अकरावी स्पर्धा असून प्रथमच चिकोडीत ही स्पर्धा 16 रोजी होणार असल्याची माहिती अजित सिद्धनावर व सुनील आपटेकर यांनी दिली. चिकोडी येथे नियोजन बैठकीत ते बोलत होते. ते पुढे म्हणाले, मंत्री सतीश जारकीहोळी यांचे नेहमी विविध स्पर्धा व खेळांना प्रोत्साहन आहे. त्यातून बेळगाव, गोकाक, यमनकमर्डीत अशा स्पर्धा झालेल्या आहेत. आता पहिल्यांदाच चिकोडीत या स्पर्धा होत आहेत. जिल्हा व राज्यस्तरीय अशा स्पर्धा होत असून सात वजनी गटात त्या होतील. आर. डी. हायस्कूलच्या मैदानावर सकाळी दहा पासून स्पर्धकांची वजन चाचणी होईल. त्यानंतर दुपारी चार वाजता स्पर्धेला प्रारंभ होऊन रात्री निकाल व बक्षीस वितरण होणार आहे. 55, 60, 65, 70, 75, 80 व 80 हून अधिक अशा सात गटांत प्रत्येक गटातील विजेत्यांना बक्षीसे दिली जाणार आहेत. जिल्हा स्पर्धेसाठी प्रत्येक गटात 10 हजार, 9 हजार, 8 हजार, 7 हजार व 6 हजार अशी बक्षीसे आहेत. जिल्हा चॅम्पियनसाठी एक लाख बक्षीस आहे. तर राज्य स्पर्धाही सात गटांत होणार असून सर्व गटांसाठी 15 हजार, 14 हजार, 13 हजार, 12 हजार, 11 हजार अशी बक्षीसे आहेत. राज्य चॅम्पियनसाठी दीड लाखांचे बक्षीस दिले जाणार आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
