बेळगाव : सिगन स्पोर्ट्स क्लब आयोजित सिगन चषक टी-20 क्रिकेट स्पर्धेत ब्ल्यू स्टार क्रिकेट संघाने वाईटकोट क्रिकेट संघाचा 51 धावांनी पराभव केला. अभी भोगण याला सामनावीर पुरस्कार देण्यात आले. या सामन्यात ब्ल्यूस्टार संघाने प्रथम फलंदाजी करताना 18.5 षटकात सर्वगडी बाद 116 धावा केल्या. त्यात अभी भोगणने 2 षटकार 4 चौकारासह 40, प्रणवने 18 तर दिनेश कांबळेने 12 धावा केल्या. वाईटकोट संघातर्फे दर्शनने 17-3, संतोष पाटीलने 26-3, नितीनने 26-2 तर विख्यातने 1 गडी बाद केला. प्रत्युत्तरादाखल खेळताना वाईटकोट संघाचा डाव 14.3 षटकात 65 धावांत आटोपला. विनयने 2 षटकार 1 चौकारासह 20 धावा केल्या. या व्यतिरिक्त एकही फलंदाज दुहेरी धाव संख्या गाठू शकला नाही. ब्ल्यू स्टारतर्फे सय्यद फिरदोस खतीबने 12-4, भारत बेनकनहळ्ळीने 17-3, अभी भोगणने 14-2 तर प्रणवने 1 गडी बाद केला.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
