बेळगाव : सिगन स्पोर्ट्स क्लब आयोजित सिगन चषक टी-20 क्रिकेट स्पर्धेत मंगळवारी खेळविण्यात आलेल्या सामन्यात ब्ल्युस्टार संघाने गोल्डन स्टार संघाचा 2 गड्यांनी पराभव करुन दोन गुण मिळविले. अक्षय भोगण यांना सामनावीर पुरस्कार देण्यात आला. गोल्डन स्टार क्रिकेटक्लबने प्रथम फलंदाजी करताना 18.5 षटकात सर्वगडी बाद 134 धावा केल्या. त्यात साकीब सनदीने 3 षटकार 2 चौकारासह 40, अनुराग पाटीलने 4 षटकार 3 चौकारासह 41, मोहम्मद मण्णूरवालेने 16, अजिमने 11 धावा केल्या. ब्ल्युस्टारतर्फे भरत बेनकनहळ्ळीने 13 धावांत 3, प्रणवने 30 धावांत 3 तर अभी, दिनेश कांबळे व सय्यद यांनी प्रत्येकी 1 गडी बाद केला. प्रत्युत्तरादाखल खेळताना ब्ल्युस्टार संघानेश 15.5 षटकात 8 गडी बाद 135 धावा करुन सामना 2 गड्यांनी जिंकला. अक्षय भोगणने 3 षटकार 4 चौकारासह 24 चेंडूत 44, आनंद जाधवने 4 चौकारासह 31, नितीन राजगोळकरने 2 षटकार 2 चौकारासह 26 धावा केल्या. गोल्डनतर्फे सादीक सनदीने 25 धावांत 6 तर गुरुकिरण व सुनील यांनी प्रत्येकी 1 गडी बाद केला.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
