श्री देवी भगवती देवस्थान मुणगे व डॉ. सुजित कदम यांच्या विद्यमाने केले होते आयोजन
प्रतिनिधी
मुणगे
सिंधु रक्तमित्र प्रतिष्ठान शाखा देवगड यांच्या सौजन्याने श्री देवी भगवती देवस्थान मुणगे व डॉ. सुजित कदम यांच्या संयुक्त विद्यमाने रक्तदान शिबिराचे आयोजन करण्यात आले. या शिबिरामध्ये एकूण ६२ रक्तदात्यांनी रक्तदान केले. गरजू रुग्णांच्या नातेवाईकांची रक्तासाठी होणारी धावपळ कमी करण्यासाठी थॅलेसेमियाग्रस्त बालकांना वेळेवर रक्त मिळण्यासाठी, रुग्णांचे प्राण वाचविण्यासाठी रक्तदान महत्वाचे आहे हे यावेळी सिंधु रक्तमित्र प्रतिष्ठानचे जाधव यांनी सांगितले. यावेळी श्री देवी भगवती देवस्थानचे उपाध्यक्ष दिलीप महाजन, सचिव निषाद परुळेकर, सिंधु रक्तमित्र प्रतिष्ठान शाखा देवगड चे सचिव प्रकाश जाधव, श्री दत्तकृपा क्लिनिक चे डॉ. सुजित कदम, आंतरराष्ट्रीय मानवाधिकार संरक्षण प्रसारक सिंधदुर्ग उपाध्यक्ष दयानंद तेली, कुलसुम अग्रो टेकचे सौरभ राणे, जामसंडे चे नगरसेवक तांबे, श्री भगवती एजुकेशन सोसायटी चे व्यवस्थापक देवदत्त पुजारे, सामाजिक कार्यकर्ते मनोज सावंत, श्री भगवती देवस्थान कमिटीचे विश्वस्त, ग्रामस्थ आदि यावेळी उपस्थित होते.
