रत्नागिरी : मोदी या आडनावावरून ओबीसी समाजाचा अपमान करणाऱ्या काँग्रेस नेते राहुल गांधी यांच्या विरोधात रत्नागिरी भारतीय जनता पार्टीच्या कार्यकर्त्यांनी आज जिल्हाधिकारी कार्यालयाबाहेर निदर्शने केली.न्यायालयाच्या निर्णयाविरोधात भाष्य करणारे काँग्रेस नेते राहुल गांधी यांना न्यायालयाने कोणत्या कारणाबद्दल दोषी ठरवले आहे,याबद्दल काहीच बोलत नसल्याबद्दल ॲड.पटवर्धन यांनी आश्चर्य व्यक्त केले.
काँग्रेस नेते राहुल गांधी यांनी ‘मोदी’ या आडनावावरून अपमानास्पद टिप्पण्णी करताना ओबीसी समाजाचा आणि या समाजाचा भाग असलेल्या तेली समाजबांधवांचा अपमान केला. न्यायालयाने याबद्दल राहुल गांधींना दोषी ठरवत शिक्षा सुनावली आहे.राहुल गांधी हे आपल्या घराण्यामुळे आलेल्या राजेशाही मानसिकतेततून बाहेर पडले नाहीत,असेच त्यांच्या वक्तव्यावरून दिसते.न्यायालयाने दिलेली शिक्षा मान्य करण्याऐवजी काँग्रेस नेते रस्त्यावर आंदोलने करून न्यायालयाचा व संविधानाचा अपमान करत आहेत.काँग्रेस नेत्यांनी न्यायालयाचा अवमान केल्याबद्दल भाजपा तर्फे हे आंदोलन केले.
