Sonali Phogat : भाजप नेता आणि अभिनेत्री सोनाली फोगट यांचे हृदयविकाराच्या झटक्याने निधन झालं. त्या 42 वर्षांच्या होत्या. गोव्यातील एका हाॅटेलमध्ये त्या मृतावस्थेत पोलिसांना आढळल्या. त्यांचा मृतदेह गोव्यातील शासकीय रुग्णालयात नेण्यात आला आहे. सोनाली फोगट यांची ओळख टिक-टॉक स्टार अशीही होती. गेल्या विधानसभा निवडणुकीपूर्वी त्यांनी भाजपमध्ये प्रवेश केला होता.
सोनाली यांनी हरियाणातील आदमपूर मतदारसंघातून भाजप नेते कुलदीप बिश्नोई यांच्या विरोधात मागील निवडणूक लढवली होती ज्यात त्यांचा पराभव झाला होता. येत्या निवडणूकीत त्या भाजपकडून तिकिट मिळवून निवडणूक लढवणार असल्याचे त्यांनी सांगितले होते. गेल्या आठवड्यात कुलदीप बिश्नोई यांनीही त्यांची त्यांच्या निवासस्थानी भेट घेतली होती, ज्याचे फोटो सोशल मीडियावर व्हायरल झाले होते. हरियाणा विधानसभा निवडणुकीपूर्वी त्यांनी भाजपमध्ये प्रवेश केला होता. हिसारमधून त्यांनी कुलदीप बिश्नोई यांच्याविरोधात निवडणूक लढवली होती.
