बेळगाव : वादळी वाऱ्यामुळे मिलिटरी डेअरीजवळ पडलेले झाड धोकादायक बनले असून मंगळवारी रात्री सदर झाडामुळे मोटारसायकल चालकाचा अपघात झाला. झाडाला धडक बसल्याने जखमी झालेल्या मोटारसायकल चालकाला खासगी रुग्णालयात दाखल केले. त्यामुळे रस्त्याच्याकडेला पडलेले धोकादायक झाड हटवावे, अशी मागणी केली जात आहे. काही दिवसांपूर्वी वादळी वाऱ्यासह अवकाळी पावसाने हजेरी लावल्याने शहर व उपनगरात काही ठिकाणी झाडे कोसळण्यासह फांद्याही तुटून पडल्या होत्या. मात्र त्या हटविण्याकडे दुर्लक्ष केल्याचे दिसून येत आहे. रस्त्याच्या कडेला पडलेली अशी झाडे धोकादायक बनली आहेत. मिलिटरी डेअरीजवळ रस्त्याच्याकडेला पडलेले झाड हटविण्यात न आल्याने रात्रीच्यावेळी सदर झाडाचा अंदाज येणे कठीण झाले आहे. त्यामुळे मंगळवारी रात्री एका मोटारसायकल चालकाचा सदर झाडाला आदळून अपघात झाला. अपघातानंतर घटनास्थळी बघ्यांची मोठी गर्दी झाली. तातडीने जखमीला रुग्णालयात दाखल केले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
