अमृत पोतदार सीसीआय संघाचा मोठा विजय

बेळगाव : कर्नाटक राज्य क्रिकेट संघटना मान्यताप्राप्त धारवाड विभागीय क्रिकेट संघटना आयोजित केएससीए चषक 16 वर्षाखालील आंतरक्लब क्रिकेट स्पर्धेत अमृत पोतदार सीसीए संघाने बेळगाव स्पोर्ट्स क्लब संघाचा 189 धावांनी पराभव करुन 4 गुण मिळविले. शतकवीर शुभम खोतला सामनावीर पुरस्कार देण्यात आला. केएससीए मैदानावर खेळविण्यात आलेल्या सामन्यात अमृत पोतदार सीसीए संघाने प्रथम फलंदाजी करताना 49.1 षटकात सर्व गडी बाद 249 धावा केल्या. त्यात शुभम खोतने 3 षटकार, 28 चौकारांसह 186 धावा करुन दमदार शतक झळकाविले. बेळगाव स्पोर्ट्स क्लब बी तर्फे वरद सूर्यवंशीने 47 धावांत 3, मयुर जाधवने 35 धावांत 2, बलराम कोलकारने 47 धावांत 2 गडी बाद केले. प्रत्युत्तरादाखल खेळताना बेळगाव स्पोर्ट्स क्लबचा डाव 33.1 षटकात सर्व गडी बाद 106 धावात गारद झाला. अमृत पोतदार सीसीएतर्फे इब्राहिम अंगडीने 4, शुभम खोतने 2 तर राजदीप मोटार व वेदांत पाटील यांनी प्रत्येकी 1 गडी बाद केला.