बेळगाव : झारखंड येथील रांची येथे घेण्यात आलेल्या 62 व्या राष्ट्रीय अॅथलेटिक्स स्पर्धेत बेळगावच्या भूषण सुनील पाटीलने सुवर्णपदक पटकावित घवघवीत यश संपादन केले आहे. या स्पर्धेत 400 मीटर अडथळा शर्यतीत कर्नाटक संघाचे प्रतिनिधीत्व करताना भूषण पाटीलने 52.55 इतका वेळेत पूर्ण करून सुवर्णपदकाचा मानकरी ठरला. त्याने स्पर्धेतील नवीन विक्रम नोंदविला आहे. यापूर्वी 52.57 हा विक्रम मागे टाकीत त्याने नवीन विक्रम रचला आहे. भूषणला प्रशिक्षक ज्ञानेश डुक्करवाडकर, अमर डुक्करवाडकर यांचे बहुमुल्य मार्गदर्शन तर लिंगराज महाविद्यालयाचे क्रीडा निर्देशक डॉ. रामराव, सुनील पाटील यांचे प्रोत्साहन लाभत आहे. भूषण हा खानापूर तालुक्यातील कुप्पटगिरी गावचा असून लिंगराज महाविद्यालयामध्ये शिक्षण घेत आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
