पणजी : गोमंतकाचे पहिले मुख्यमंत्री स्व. भाऊसाहेब बांदोडकर यांची आज 50 वी पुण्यतिथी पाळली जाणार आहे. यानिमित्त संपूर्ण गोवाभर शहरांसह गावागावांमध्ये भरगच्च कार्यक्रमांचे आयोजन करण्यात आले आहे. गोमंतकाचे शिल्पकार, भाग्यविधाते व पहिले मुख्यमंत्री स्व. भाऊसाहेब बांदोडकर यांच्या सुवर्णमयी पुण्यदिनानिमित्त आज सकाळी 9 वा. मुख्यमंत्री डॉ. प्रमोद सावंत व त्यांचे सहकारी मंत्री भाऊसाहेबांच्या मिरामार येथील समाधीस्थळी जाऊन त्यांना आदरांजली वाहतील. त्याचबरोबर भाऊसाहेबांच्या समाधीस्थळाची पुनर्बांधणी प्रकल्पाची पायाभरणी मुख्यमंत्री डॉ. प्रमोद सावंत हे करतील. त्यानंतर पणजीत जुन्या सचिवालयाशेजारी असलेल्या भाऊसाहेबांच्या पूर्णाकृती पुतळ्dयास मुख्यमंत्री पुष्पहार अर्पण करतील. सायं. 5 वा. कांपाल – पणजी येथील पणजी जिमखाना सभागृहात विख्यात शास्त्रज्ञ डॉ. रघुनाथ माशेलकर यांच्या व्याख्यानाचे आयोजन केले आहे. भाऊसाहेबांच्या पुण्यतिथीनिमित्त मांद्रे, मडकई, फोंडा, कळंगूट, पणजी, सांगे, म्हापसा, डिचोली, सत्तरी, कुंभारजुवे, माशेल अशा राज्यातील अनेक ठिकाणी आज भरगच्च कार्यक्रमांचे आयोजन करण्यात आले आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
