प्रतिनिधी / बेळगाव : चालकाचे नियंत्रण सुटल्याने भरधाव ट्रॅक्टर पलटी झाल्याची घटना आज शनिवारी दुपारी 12:30 वाजण्याच्या सुमारास अलारवाड सर्कल येथे घडली. सदर अपघातात सुदैवाने कोणतीही जीवित हानी झाली नाही. अपघातग्रस्त ट्रॅक्टर ट्रेलरमधून क्वाॅरीचे साहित्य नेण्यात येत होते. अलारवाड सर्कल येथे भरधाव वेगात वळण घेत असताना चालकाचे नियंत्रण सुटल्याने ट्रॅक्टर ट्रेलरसह पलटी झाला. सदर अपघातात ट्रॅक्टर चालकाला सुदैवाने किरकोळ दुखापत झाली. ट्रॅक्टरचे मात्र नुकसान झाले आहे. अपघात घडताच घटनास्थळी नागरिकांची गर्दी झाली होती.
