विजेते खेळाडूंची राज्यस्तरीय स्पर्धेसाठी निवड
क्रीडा प्रतिनिधी/ बेळगाव
पदवीपूर्व शिक्षण खात्यातर्फे घेण्यात आलेल्या क्रीडा स्पर्धेत भरतेश पदवीपूर्व महाविद्यालयाच्या खेळाडूंना यश संपादन करुन राज्यस्तरीय स्पर्धेसाठी पात्र ठरले आहेत.
जिल्हा क्रीडांगणावर घेण्यात आलेल्या जिल्हास्तरीय क्रीडा स्पर्धेत भरतेश महाविद्यालयाच्या साहिल पाटीलने 400 मी. धावण्याच्या स्पर्धेत सुवर्ण, 4×100 मी. रिले स्पर्धेत सुवर्ण, 4×400 मी. रिले स्पर्धेत सुवर्ण, 400 मी. अडथळा शर्यतीत रौप्यपदक पटकाविले. आकाश देवरने 4×400 मी. व 4×100 मी. स्पर्धेत सुवर्णपदक, गौमत अष्टेकरने 100 मी. व 400 मी. धावण्याच्या स्पर्धेत रौप्य, 4×400 मी. व 4×100 मी. स्पर्धेत सुवर्णपदक, स्वयम जुवेकरने 800 मी. धावण्याच्या स्पर्धेत सुवर्ण, 1500 मी. धावण्याच्या स्पर्धेत रौप्य, 4×400 मी. व 4×100 मी. स्पर्धेत सुवर्णपदक, दक्ष मोरे 4×100 मी. धावण्याच्या स्पर्धेत सुवर्णपदक, विनायक पाटील 4×400 मी. रिलेत सुवर्णपदक पटकाविले. या विजेत्या खेळाडूंना भरतेश पदवीपूर्व महाविद्यालयाचे क्रीडा निर्देशक प्रदीप जुवेकर व प्राचार्य यांचे मार्गदर्शन लाभत आहे.
