सावंतवाडीचे सुपुत्र विधानसभा अध्यक्ष ॲड. राहुल नार्वेकर यांचे आश्वासन
सावंतवाडी : प्रतिनिधी
भाईसाहेब सावंत आयुर्वेद महाविद्यालयाच्या राणी जानकीबाई सुतीकागृह संस्थेचे संचालक उमाकांत वारंग यांनी गुरुवारी विधानसभा अध्यक्ष ॲड. राहुल नार्वेकर यांची भेट घेतली. संस्थेला रुग्णवाहिका महिन्याभरात देण्याचे नार्वेकर यांनी आश्वासन दिले. तसेच भाईसाहेब सावंत आयुर्वेद महाविद्यालयाला लवकरच भेट देण्याचे मान्य केले. महाविद्यालयाच्या समस्या सोडविण्याचे आश्वासन त्यांनी दिले. यावेळी डॉक्टर सूर्यकांत राऊळ उपस्थित होते.
