राज्यस्तरीय खो-खो स्पर्धेसाठी बेळगाव संघ रवाना

बेळगाव : तुमकूर येथे होणाऱ्या राज्यस्तरीय महिला खो-खो स्पर्धेसाठी बेळगाव जिल्हा अम्युचर खो-खो संघाची निवड करण्यात आली असून हा संघ तुमकूरला रवाना झाला आहे. निमंत्रीत आठ संघांपैकी बेळगावचा संघ असून मंगळवारी येथे होणाऱ्या कर्नाटक ऑलिम्पिक स्पर्धेसाठी हा संघ पात्र ठरला आहे. या संघात संध्या चौगुले, निकीता कुट्रे, ऋतुजा पाटील, नेहा चौगुले, प्रणाली बिजगरकर, साक्षी देवलतकर, अपेक्षा निलजकर, लक्ष्मी हंगीरगेकर, स्नेहा हिरोजी, सरिता पाटील, वैष्णवी कोवाडकर, ऐश्वर्या कंग्राळकर आदी खेळाडूंचा समावेश आहे. जिल्हा खो-खो संघाचे सचिव एन. आर. पाटील, नितीन नाईक, वाय. सी.गोरल, एस. एम. सिद्धानी, श्रीधर बेळगावकर यांचे मार्गदर्शन लाभत आहे.