सचिन तलवार सामनावी व मालिकावीर , आनंद अकादमी उपविजेता
बेळगाव : आनंद क्रिकेट अकादमी आयोजित सुरेश गडकरी चषक 13 वर्षांखालील आंतर कॅम्प क्रिकेट स्पर्धेच्या अंतिम सामन्यात बेळगाव स्पोर्ट्स क्लबने आनंद क्रिकेट अकादमीचा 7 गड्यांनी पराभव करुन सुरेश गडकरी चषक पटकाविला. सचिन तलवारला सामनावीर व मालिकावीराने गौरविण्यात आले. भुतरामहट्टी येथील भगवान महावीर मैदानावर खेळविण्यात आलेल्या उपांत्य फेरीच्या सामन्यात आनंद अकादमी अ ने प्रथम फलंदाजी करताना 25 षटकात 1 गडी बाद 196 धावा केल्या. त्यात श्लोक चडीचालने 16 चौकारांसह नाबाद 99, जीवा गौडरने 6 चौकारासह 43 धावा केल्या. ब तर्फे प्रणव बेल्लदने 1 गडी बाद केला. प्रत्युत्तरादाखल खेळताना आनंद ब संघाने 25 षटकात 4 गडी बाद 157 धावा केल्या. त्यात स्वराज गोवेकरने 5 चौकारांसह 43, शिवेश येळ्ळूरकरने 4 चौकारासह 35 धावा केल्या. अ तर्फे आयुष शेठने 2 गडी बाद केले. दुसऱ्या उपांत्य फेरीच्या सामन्यात बेळगाव स्पोर्ट्स क्लबने प्रथम फलंदाजी करताना 25 षटकात 4 गडी बाद 235 धावा केल्या. त्यात समर्थ चेन्नीगेरीने 12 चौकारासह 78 तर समर्थ तलवारने 6 चौकारासह 48 धावा केल्या. साई दुर्गा हुबळीतर्फे हरीसाई, रितेश व चरण यांनी प्रत्येकी 1 गडी बाद केले.
प्रत्युत्तरादाखल खेळताना साईदुर्गा स्पोर्ट्स क्लब हुबळीने 25 षटकात 4 गडी बाद 134 धावा केल्या. त्यात चरण देसाईने 27, चिन्मय हुद्दारने 22, हरीसाईने 23 धावा केल्या. बीएससीतर्फे समर्थ तलवार, सोहम केंचन्नावर, अल्तमश यश यांनी प्रत्येकी 1 गडी बाद केले. अंतिम सामन्यात आनंद अकादमीने प्रथम फलंदाजी करताना 25 षटकात 4 गडी बाद 143 धावा केल्या. त्यात ओजस गडकरीने 7 चौकारासह नाबाद 62 तर काहेर पठाणने नाबाद 3 चौकारासह नाबाद 26 धावा केल्या. बेळगाव स्पोर्ट्स क्लबतर्फे समर्थ तलवारने 1 गडी बाद केला. प्रत्युत्तरादाखल खेळताना बेळगाव स्पोर्ट्स क्लबने 21.2 षटकात 3 गडी बाद 145 धावा करुन सामना 7 गड्यांनी जिंकला. त्यात सचिन तलवारने 11 चौकारासह नाबाद 81, अल्तमश यशने नाबाद 41 धावा केल्या. आनंदतर्फे श्लोक चडीचालने 2 गडी बाद केले. सामन्यानंतर प्रमुख पाहुणे सुरेश गडकरी, दर्शन गडकरी, विशाल चडीचाल, भालचंद्र गौडर, पी. एस. मादार यांच्या हस्ते विजेत्या बेळगाव स्पोर्ट्स क्लब व उपविजेत्या आनंद अकादमीला चषक देवून गौरविण्यात आले. अंतिम सामन्यातील सामनावीर व मालिकावीर सचिन तलवार-बीएससी, उत्कृष्ट फलंदाज श्लोक चडीचाल-आनंद, उत्कृष्ट गोलंदाज सोहम केंचन्नावर-आनंद ब., उत्कृष्ट यष्टीरक्षक ओजस गडकरी-आनंद यांना चषक देवून गौरविण्यात आले.
