केएससीए सेकंड डिव्हिजन क्रिकेट स्पर्धा
बेळगाव : कर्नाटक राज्य क्रिकेट संघटना मान्यताप्राप्त धारवाड विभागीय क्रिकेट संघटना आयोजित केएससीए सेकंड डिव्हिजन क्रिकेट स्पर्धेत गुरुवारी खेळवण्यात आलेल्या सामन्यातून बेळगाव स्पोर्ट्स क्लबने टॅलेंट स्पोर्ट्स हुबळीचा तर नीना स्पोर्ट्सने स्पोर्ट्स अकादमी गदगचा पराभव करून प्रत्येकी 4 गुण मिळवले. ध्रुव देसाई बीएससी, अंगदराज हित्तलमणी पुरस्कार देण्यात आला. हुबळी येथील केएससीए क्रिकेट स्टेडियमवर खेळवण्यात आलेल्या सामन्यात स्पोर्ट्स अकादमी गदग संघाने 48.5 षटकात सर्व गडी बात 279 धावा केल्या. त्यात मोहम्मद असलम मुदोळने 13 चौकारासह 121 धावा करून शतक झळकवले. देवेश जैन व शुभम जैन यांनी प्रत्येकी 25, तर कार्तिकने 20 धावा केल्या. नीना तर्फे स्वरूप साळुंखेने 34 धावात 3, मदन चडीचाळने 23 धावा 2, नवीन शिरगण्णवरने 53 धावा 2 गडी बाद केले. प्रत्युत्तरदाखल खेळताना नीना स्पोर्ट्स 35.5 षटकात 2 गडी बाद 281 धावा करून सामना 8 गड्यानी जिंकला.
अंगदराज हित्तलमनीने 7 षटकार 10 चौकारासह 121, माझीद मकानदारने 5 षटकार 16 चौकारांसह 112 धावा करून दमदार शतके झळकवली. सिद्धलिंगेश्वर हिरेमठने 18 धावा केल्या. स्पोर्ट्स अकॅडमी गदग तर्फे सचिन पाटील, सतीश कुमार, यांनी प्रत्येकी एक गडी बाद केला. बेळगाव केएससीए मैदानावरील सामन्यात बेळगाव स्पोर्ट्स क्लबने 37.4 षटकात सर्व बाद 222 धावा केल्या. ध्रुव देसाईने 3 षटकार 9 चौकारासह 65, शिवम नेसरीकरने 2 षटकार 5 चौकारांसह 44, अर्णव नुगानटीने 28, बाबू कदमने 20, आदित्य वारंगणे 16 धावा केल्या. टॅलेंट स्पोर्ट्स हुबळी तर्फे सुमित नायकने 45 धावा 4 गडी बाद केले. प्रत्युत्तरादाखल खेळताना टॅलेंट स्पोर्ट हुबळी संघाचा डाव 31.3 षटकात सर्व बाद 109 धावांत आटोपला, त्यात वीरेशने 36. रवी कुमारने 28 विद्युतने 19 धावा केल्या. बेळगाव स्पोर्ट्स क्लबतर्फे ध्रुव देसाईने 12 धावात 6, आकाश असलकरने 28 धावात 2 तर आदित्य वारंगने एक गडी बात केला.
