राज्यस्तरीय खुल्या स्केटिंग स्पर्धेत बेळगावचे स्केटिंगपटूंची चमक

बेळगाव : चिक्कबळ्ळापूर व बेंगळूर येथे घेण्यात आलेल्या पहिल्या राज्यस्तरीय खुल्या स्केटिंग स्पर्धेत बेळगाव जिल्हा स्केटिंग संघटनेच्या स्केटिंगपटूंनी तीन सुवर्ण, दोन रौप्य व दोन कास्य पदकांसह सात पदकांची कमाई करत घवघवीत यश संपादन केले आहे. चिक्कबळ्ळापूर व बेंगळूर येथे झालेल्या या स्पर्धेत 13 जिल्ह्यातील 480 हून अधिक स्केटिंगपटूंनी भाग घेतला होता. या स्पर्धेत बेळगाव जिल्हा स्केटिंग संघटनेचे खेळाडू पुढील प्रमाणे-स्पीड स्केटिंग- विदित कल्याण कुमार 2 सुवर्ण, सौरभ साळुंखे 1 सुवर्ण, विश्वतेज पवार 1 रौप्य, जान्हवी तेंडुलकर 1 कास्य, इनलाइन हॉकी- यशपाल पुरोहित 1 रौप्य, मंजुनाथ मंडोळकर 1 कांस्य. स्केटिंग प्रशिक्षक सूर्यकांत हिंडलगेकर, योगेश कुलकर्णी, सक्षम जाधव, विशाल वेसणे, विठ्ठल गगणे, अजित शिलेदार, अनुष्का शंकरगौडा यांचे मार्गदर्शन लाभले. उमेश कलघटगी, प्रसाद तेंडोलकर, इंदुधर सीताराम, महेंद्र सिंह ठाकुर यांचे प्रोत्साहन मिळत आहे.