पदवीपूर्व महाविद्यालयीन कराटे स्पर्धेत बेळगावच्या कराटेपटूंचे यश

बेळगाव : कोलार येथे घेण्यात आलेल्या राज्यस्तरीय पदवीपूर्व महाविद्यालयीन कराटे स्पर्धेत बेळगावच्या राणी चन्नम्मा सेल्फडिफेन्स व कराटे स्पोर्ट्स संघटनेच्या खेळाडूंनी यश संपादन केले आहे. कोलार येथे झालेल्या या स्पर्धेत बेळगावच्या जिल्हा राणी चन्नम्मा सेल्फ डिफेन्स व कराटे स्पोर्ट्स संघटनेची खेळाडू प्रिया जोमने, किर्ती चौगुले, विनीत मोटरे यांनी राज्यस्तरीय स्पर्धेत सुवर्णपदक पटकावित घवघवीत यश संपादन करत एसजीएफआय राष्ट्रीय कराटे स्पर्धेसाठी त्यांची निवड झाली आहे. या सर्व विजेत्या कराटेपटूंना सिलंबम मास्टर लक्ष्मण नायक यांचे मार्गदर्शन लाभत आहे.