बेळगाव जिल्हा कराटे संघटनेला सर्वसाधारण विजेतेपद

बेळगाव : अखिल कर्नाटका स्पोर्ट्स कराटे असोसिएशन यांच्यावतीने कराटे इंडिया  संघटना आयोजित 16 वी राज्यस्तरीय रॅकिंग स्पर्धेत बेळगाव जिल्हा कराटे संघटनेने सर्वसाधारण विजेतेपद पटकाविले. वासवी कल्याण मंडप हुबळी येथे झालेल्या या स्पर्धेत बेळगाव जिह्यातून 64 कराटेपटू  सहभागी झाले होते. या स्पर्धेचे आयोजक व अखिल कर्नाटका स्पोर्ट्स कराटे असोसिएशनचे सचिव भार्गव रेड्डी आणि अध्यक्ष अरुण माचा यांनी बेळगाव जिल्हा कराटे संघटनेच्या अध्यक्ष गजेंद्र काकतीकर आणि सचिव जितेंद्र काकतीकर यांना चषक देऊन सन्मानित करण्यात आले. अथर्व सूर्यवंशी, सृष्टी बेळगावकर, आयान गोकाककर, सरिता सोनार, प्राप्ती कारेकर, संस्कृती काकतकर आणि अनुश्री बेंबळगी या विद्यार्थ्यांनी सवर्ण पदक पटकाविले. त्यांची डेहरादून उत्तराखंड येथे होणाऱ्या राष्ट्रीय स्पर्धेसाठी निवड झाली आहे. वरील सर्व विजेत्या कराटेपटूंना प्रशिक्षक परशुराम काकती, निलेश गुरखा, विठ्ठल भोजगार, प्रभाकर किल्लेकर, विनायक दंडकर, अक्षय परमोजी, हरीष सोनार, कृष्णा जाधव आणि नताशा खानापूरकर यांचे मार्गदर्शन लाभत आहे.