लोककल्पतर्फे कणकुंबी येथे मधुमक्षिका पालन प्रशिक्षण

बेळगाव : लोककल्प फौंडेशनतर्फे खानापूर तालुक्यातील कणकुंबी येथे मधुमक्षिका पालन प्रशिक्षण देण्यात आले. याचवेळी त्यांना मधुमक्षिका पालनासाठी खास तयार केलेले बॉक्सही देण्यात आले. या माध्यमातून लोकांनी अर्थार्जन करून स्वावलंबी व्हावे, हा लोककल्प फौंडेशनचा हेतू आहे. ज्योत्स्ना देसाई यांनी मधुमक्षिका पालन, त्याचे व्यवस्थापन याबाबत प्रशिक्षण दिले. याप्रसंगी लोककल्प फौंडेशनचे सदस्य अनिकेत पाटील, संदीप पाटील, स्वयंसेवक संतोष कदम, अनंत गावडे, सुहासिनी पेडणेकर आदी उपस्थित होते.