पोलिस दलातून सेवानिवृत्त झालेल्या कर्मचाऱ्यांना ५० लाख रुपयात बीडीडी चाळीत हक्काचे घर मिळणार असल्याची अधिकृत घोषणा राज्याचे गृहमंत्री जितेंन्द्र आव्हाड यांनी केली आहे. याबाबतीत त्यांनी ट्विट करत माहिती दिली आहे.
बीडीडी चाळीत २२५० पोलिस कर्मचाऱ्यांना घर मिळणार आहे. यासाठी निवृत्त पोलिसांनी लवकरात लवकर आपली घरे खाली करावीत अशी विनंतीही आव्हाड यांनी केली. राज्य सरकारने बीडीडी चाळ पुनर्विकास प्रकल्पाची जबाबदारी म्हाडाकडे सोपवली आहे. त्यानुसार म्हाडाने वरळी, ना. म. जोशी मार्ग आणि नायगावमधील प्रकल्पाच्या कामासाठी कंत्राटदारांची नियुक्ती केली आहे.
काय म्हणाले ट्विट करत आव्हाड
बीडीडी चाळीच्या प्रत्येक घराचा बांधकाम खर्च हा अंदाजे 1 कोटी 5 लाख ते 1 कोटी 15 लाख इतका आहे. पण म्हाडाने येथे असलेल्या 2250 पोलीस कर्मचाऱ्यांना तोटा सहन करून 50 लाख रुपयांमध्ये घर देण्याचा निर्णय घेतला आहे.हा निर्णय करारपत्रात नमूद करून करारपत्र त्वरीत दिली जातील. ह्या निमित्ताने सर्व काम मार्गी लागलेलं आहे. तेव्हा आता निवृत्त पोलिसांनी लवकरात लवकर आपली घरे खाली करावीत ही विनंती.
