बीडीसीएस बुद्धिबळ स्पर्धेचे उद्घाटन

बेळगाव : बीडीसीए पुरस्कृत राष्ट्रीय बुद्धिबळ स्पर्धेचे गुरुवारी उद्घाटन  बेळगावचे पोलीस आयुक्त यडा मार्टिन मार्बन्यांग यांच्या हस्ते शिवबसवनगर येथील केपीटीसीएल हॉल येथे करण्यात आले. या कार्यक्रमला प्रमुख पाहुणे म्हणून तेजस्वीनी कुलकर्णी, रोहन देसाई, अर्जुन कोरे, अध्यक्षस्थानी दिनेश भिराडे व्यासपीठावर उपस्थित होते. या स्पर्धेत देशभरातून 450 पेक्षा अधिक खेळाडूंनी भाग घेतला असून विजेत्यांना 3 लाख 24 हजार रोख रक्कम तसेच 75 स्मृतिचिन्हे देवून गौरविण्यात येणार आहे. ही स्पर्धा यशस्वी करण्यासाठी बीडीसीएसचे अध्यक्ष दिनेश भिराडे, खजिनदार दीपक कदम, सल्लागार गिरीश बाचीकर, सेक्रेटरी आकाश माडिवलर, सभासद सक्षम जाधव, उपाध्यक्ष बसवराज बागेवाडी, पवन सलगर, शगुप्ता, अनुराग खन्नुर  यांचे योगदान लाभले तर याशिवाय अनेक दानशूर व्यक्तींमुळे ही स्पर्धा आयोजित करण्यात आली आहे. या स्पर्धेचे बक्षीस वितरण 31 मे रोजी सायंकाळी 6 वाजता स्पर्धेच्या ठिकाणी होणार आहे.