बेळगाव : बेळगाव येथील फिश मार्केटमध्ये बांगड्यांची आवक वाढली आहे. त्यामुळे बांगड्यांची खरेदी-विक्रीची उलाढालही वाढू लागली आहे. कॅम्प आणि कसाई गल्ली येथील फिश मार्केटमध्ये विविध जातींचे मासे विक्रीसाठी दाखल होऊ लागले आहेत. शहरात दररोज 10 ते 15 वाहने भरून बांगडे दाखल होऊ लागले आहेत. थंडीला सुरुवात झाल्याने मांसाहाराला पसंती दिली जात आहे. विशेषत: सर्वसामान्यांच्या आवाक्यात असलेले बांगडे, चिकन आणि अंडी खरेदी वाढली आहे. बांगडे 80 ते 120 रुपये किलो, अंडी शेकडा 570 रुपये, मटण 680 रुपये किलो, तर चिकन 180 रुपये किलो असा दर आहे. बांगड्याची आवक वाढल्याने खवय्यांची चंगळ होऊ लागली आहे. दुसरीकडे भाजीपाल्याचे दर अधिक आहेत. शिवाय कांदा 60 रुपये किलो झाला आहे. त्यामुळे आवाक्यात असलेल्या बांगडे आणि चिकनची खरेदी वाढू लागली आहे. कडधान्य आणि डाळींच्या किमती गगणाला भिडल्या आहेत. तूरडाळ 180 रुपये किलो दराने विकली जात आहे. त्यामुळे सर्वसामान्यांना वाढत्या महागाईचा चटका सहन करावा लागत आहे. त्यामुळे तुरडाळीऐवजी बांगडे बरे म्हणण्याची वेळ सर्वसामान्यांवर आली आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
