बाळासाहेब काकतकर यांचा मराठा बँकेतर्फे सत्कार

बेळगाव : मराठा बँकेचे विद्यमान संचालक, माजी चेअरमन बाळासाहेब काकतकर यांची चंदरगी क्रीडा प्रोत्साहन व विकास सहकारी मंडळाच्या संचालकपदी तिसऱ्यांदा निवड झाल्याबद्दल मराठा बँकेच्यावतीने सत्कार करण्यात आला. कार्यक्रमाच्या अध्यक्षस्थानी बँकेचे चेअरमन दिगंबर पवार होते. प्रास्ताविक करताना जनरल मॅनेजर यांनी सांगितले की, चंदरगी क्रीडा प्रोत्साहन व विकास मंडळाची शनिवार दि. 24 फेब्रुवारी रोजी निवडणूक पार पडली. सदर व्यवस्थापन मंडळाच्या क वर्ग (वैयक्तिक सदस्य) विभागातून बाळासाहेब काकतकर हे भरघोस मताधिक्याने निवडून आले आहेत. चेअरमन दिगंबर पवार, ज्येष्ठ संचालक बाळाराम पाटील व इतर संचालक यांच्याहस्ते बाळासाहेब काकतकर यांचा शाल व बुके देऊन सत्कार करण्यात आला. यावेळी बँकेचे चेअरमन दिगंबर पवार, संचालक बी. एस. पाटील यांनी बाळासाहेब काकतकर यांच्या प्रती आपले मनोगत व्यक्त केले. सत्काराला उत्तर देताना बाळासाहेब काकतकर यांनी सांगितले की, चंदरगी क्रीडा प्रोत्साहन स्कूलची मूळ स्थापनाच तत्कालीन डेप्युटी रजिस्ट्रार एस. एम. कलुती यांच्या मार्गदर्शनाखाली आपल्या बँकेतच झाली आहे. चंदरगी येथे 108 एकर जागेत हे स्कूल वसलेले असून आज त्याठिकाणी 900 विद्यार्थी शिक्षण घेत आहेत. याठिकाणी कुस्ती, कब•ाr, हॉकी, स्विमिंग, हॉर्स रायडिंग, जिमनॅस्टीक, फुटबॉल, व्हॉलिबॉल आदी खेळ शिकविले जातात. या स्कूलने अनेक इंटरनॅशनल खेळाडू तयार केले आहेत, असे सांगितले व सत्कार केल्याबद्दल सर्वांचे आभार मानले. यावेळी बँकेचे संचालक बाळाराम पाटील, एल. एस. होनगेकर, एस. एस. खोकाटे, शेखर हंडे, सुनील अष्टेकर, विनोद हंगिरकर, मोहन चौगुले, लक्ष्मण नाईक, रेणू किल्लेकर, सभासद, ग्राहक उपस्थित होते. व्हा. चेअरमन निना काकतकर यांनी आभार मानले.