मडगाव : बोर्डा, फातोर्डा येथील मल्टिपर्पज उच्च माध्यमिक विद्यालयाच्या मागील परिसरात अपोलो फार्मसीसमोरील नाल्याची साफसफाई केलेली नसून येथे कचरा, झावळे आणि अन्य टाकाऊ साहित्य टाकल्याने परिसराला बकाल स्वरुप प्राप्त झाले आहे तसेच दुर्गंधीची पसरली आहे, अशी कैफियत स्थानिकांनी मांडली आहे. दरवर्षी पावसाळ्यापूर्वी येथील नाल्यांची साफसफाई करण्यात येत असे मात्र यंदा साफसफाई न झाल्याने वरील नाला तुंबला आहे. स्थानिक नगरसेवकांकडे साफसफाई करण्यासाठी मागणी केली असता कामगार मिळत नसल्याचे सांगून ते टाळाटाळ करत आहेत, असा दावा स्थानिकांनी केला. या नाल्यात कचरा आणि माडाच्या झावळ्या मोठ्या प्रमाणात टाकण्यात आल्या आहेत. त्यांची उचल न झाल्याने पावसात ती कुजण्याची शक्यता वर्तविण्यात येत आहे. दरम्यान, लोक आपल्या जागेतील झाडांची छाटणी करून रस्त्याच्या कडेला टाकत असल्याचा दावा पालिकेच्या अधिकाऱ्यांकडून करण्यात येत आहे. यात मोठ्या प्रमाणात झावळ्यांचा समावेश असल्याचे सांगण्यात आले आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
