बाहुबली नेते अनंत सिंह यांना जामीन नाही

पाटणा : बिहारच्या मोकामाचे माजी आमदार अन् बाहुबली नेते अनंत सिंह यांची जामीन याचिका फेटाळण्यात आली आहे. पाटणा येथील एमपी-एमएलए न्यायालयाकडून अनंत सिंह यांना  झटका बसला आहे. गोळीबार प्रकरणी अनंत सिंह यांना अटक करण्यात आली होती.   अनंत सिंह यांच्याशी निगडित 2 प्रकरणांमध्ये न्यायालयाने जामीन याचिका फेटाळल्याने ते तुरुंगातच राहणार आहेत. मोकामा येथे अनंत सिंह आणि सोनू-मोनू टोळीदरम्यान गोळीबार झाला होता. या घटनेनंतर अनंत सिंह यांनी शरणागती पत्करली होती. अनंत सिंह यांची बेऊर तुरुंगात रवानगी करण्यात आली होती. सोनू देखील तुरुंगात असून  मोनूचा पोलीस शोध घेत आहेत.