आझाद गल्ली स्पोर्ट्स विजेता

बेळगाव : दीपक सावंत स्मृती चषक मर्यादित टेनिस बॉल स्पर्धेतील अंतिम लढतीत आझाद गल्ली स्पोर्ट्स क्लबने शिवशक्ती स्पोर्टस्चा पराभव करुन विजेतेपद पटकाविले. किल्ला येथील मैदानावर शिवशक्ती युवक मंडळ कामत गल्लीने ही स्पर्धा आयोजित केली होती. या स्पर्धेत सामनावीर व मालिकावीर म्हणून ऋषिकेश राजपूत याला चषक देवून गौरविण्यात आले. उत्कृष्ट फलंदाज म्हणून सौरभ कदम, उत्कृष्ट गोलंदाज म्हणून कपिल हन्नूरकर यांना गौरविण्यात आले. प्रमुख पाहुणे राजू पाटील, आनंद पाटील, श्लोक कडोलकर, रमेश कळसन्नावर, माधव मुचंडी, विश्वनाथ लोहार, नागेश पवार, पिंटू बस्तवाडकर यांच्या हस्ते विजेत्या, उपविजेत्या व वैयक्तिक पारितोषिक मिळविलेल्या खेळाडूंना गौरविण्यात आले. पंच म्हणून इरफान पठाण, विश्वनाथ लोहार यांनी काम पाहिले.