पोस्टल सप्ताहानिमित्त शहापूर येथे जागृती फेरी

बेळगाव : राष्ट्रीय पोस्टल सप्ताहनिमित्त बेळगाव पोस्ट विभागाच्यावतीने विविध कार्यक्रमांचे आयोजन करण्यात आले होते. बुधवारी शहापूर परिसरात पायी फेरी काढून पोस्ट कार्यालयाद्वारे राबविल्या जाणाऱ्या योजनांची माहिती देण्यात आली. मंगळवारी फिलॅटली दिनानिमित्त विविध टपालांचे अनावरण करण्यात आले. त्याचबरोबर पोस्ट कार्यालयातही विविध उपक्रम घेण्यात आले. बुधवारी सकाळपासून शहरातील टिळकवाडी, शहापूर व मुख्य कार्यालयात पायी फेरी काढण्यात आली. सध्या पोस्ट कार्यालयाकडून बँकिंगसह इतर अनेक सेवा दिल्या जात असल्याने त्या सेवा नागरिकांना माहिती व्हाव्यात यासाठी जागृती फेरी काढण्यात आली. बेळगाव पोस्ट अधीक्षक विजय वडोनी यांनी सर्व कर्मचाऱ्यांना मार्गदर्शन केले.यावेळी व्यवस्थापक मुत्नाळी यांच्यासह कर्मचारी सहभागी झाले होते.