लोकमान्यच्या म्युच्युअल फंडतर्फे जागृती कार्यक्रम

बेळगाव : लोकमान्य मल्टीपर्पज को-ऑप. सोसायटीच्या म्युच्युअल फंड विभागाने आरपीडी व जीएसएस कॉलेजमध्ये ‘संपत्ती निर्माण व गुंतवणूक’ याबद्दल जागृतीपर कार्यक्रम राबविला. 18 ते 21 डिसेंबरदरम्यान विद्यार्थ्यांना विशेष प्रशिक्षण देण्यात आले. एचडीएफसी म्युच्युअल फंडच्या पुढाकाराने झालेल्या या कार्यक्रमास फंडचे क्षेत्रप्रमुख अविनाश डिसुझा, प्रमुख वक्ते सुहास राजपूत यांनी विद्यार्थ्यांना मार्गदर्शन केले. याप्रसंगी जीएसएस कॉलेजचे प्राचार्य बी. एल. मजुकर, प्रा. संदीप देशपांडे, लोकमान्य सोसायटी म्युच्युअल फंडचे संदेश कुमठेकर उपस्थित होते. 500 विद्यार्थ्यांनी या उपक्रमाचा लाभ घेतला.