खानापूर : खानापूर पोलीस आणि प्राथमिक कन्नड शाळेच्या स्काऊट गाईडच्या विद्यार्थ्यांनी शहरात पतसंचलन करून वाहतुकीचे नियम आणि हेल्मेट वापराबाबत जागृती फेरी काढली. यावेळी स्काऊड गाईड पथकातील विद्यार्थ्यांनी हेल्मेट वापरण्याबाबत तसेच वाहतुकीचे नियम पाळण्याबाबत घोषणाबाजी करत पथसंचलन केले. यानंतर येथील राजा छत्रपती चौकात दुचाकीस्वाराना गुलाबपुष्प देऊन हेल्मेट वापरण्यासंदर्भात जागृती करण्यात आली. शहरात वाहतुकीचे नियम पाळण्यासाठी वेळोवेळी पोलिसानी दंडात्मक कारवाई करूनदेखील दुचाकीस्वारांकडून वाहतुकीचे नियम धाब्यावर बसवण्यात येत आहेत. तसेच हेल्मेट वापरण्याबाबत अतिशय निष्काळजीपणा करण्यात येत असल्याने पोलीस आणि स्काऊट गाईडच्या माध्यमातून जनजागृती फेरी काढून येथील शिवस्मारक चौकात हेल्मेट नसलेल्या दुचाकीस्वाराना विद्यार्थी आणि पोलिसांच्याकडून गुलाबपुष्प देवून त्यांना हेल्मेट वापरण्याबाबत विनंती करण्यात आली. यावेळी खानापूर पोलीस स्थानकाचे महेश दाणवाड, कन्नड शाळेचे स्काऊट गाईड संचालक कुंभार, मुख्याध्यापिका यासह विद्यार्थी सहभागी झाले होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
