पुणे / वार्ताहर :
येरवडय़ात कोयता गँगने दहशत पसरवत तरुणाला जीवे मारण्याचा प्रयत्न केला. याप्रकरणी चौघांवर खूनाचा गुन्हा दाखल करण्यात आला आहे.
जय भडकुंभे (वय 22), ऋषभ भडकुंभे (23), रोहन मोहिते (21, सर्व रा. येरवडा, पुणे) यांच्यासह एका महिलेविरुद्ध गुन्हा दाखल करण्यात आला आहे. याप्रकरणी अभिजीत किरण कुलकर्णी (21, रा. यशवंतनगर, येरवडा, पुणे) याने येरवडा पोलीस ठाण्यात तक्रार दिली आहे.
मिळालेल्या माहितीनुसार, आरोपी आणि फिर्यादी कुलकर्णी यांच्यात किरकोळ कारणावरुन वाद झाला होता. कुलकर्णी येरवडय़ातील नवी खडकी भागातून निघाला होता. त्यावेळी आरोपींनी त्याला गाठले. आम्ही या भागातील भाई आहोत, असे सांगून टोळक्याने त्याच्यावर कोयत्याने जीवघेणा हल्ला केला. तसेच कोयते उगारुन परिसरात दहशत माजविली. या घटनेनंतर आरोपी पसार झाले असून, पोलीस उपनिरीक्षक एस शेलार पुढील तपास करत आहेत.
