राजू दोड्डण्णावर क्रिकेट स्पर्धा
बेळगाव : आनंद क्रिकेट अकादमी आयोजित राजू दोड्डण्णवर चषक लिट्स चॅम्प 12 वर्षांखालील आंतरक्लब टी-20 क्रिकेट स्पर्धेत गुरुवारी खेळविण्यात आलेल्या सामन्यातून सीई पॉवर रंगरेज संघाने लेकव्ह्यु टायटन्सचा तर अॅथलेटोन संघाने एमसीसीसी संघाचा पराभव करुन प्रत्येकी दोन गुण मिळविले. श्लोक चडीचाल, सलमान धारवाडकर यांना सामनावीर पुरस्कार देण्यात आला. सकाळी खेळविण्यात आलेल्या पहिल्या सामन्यात सीई पॉवर रंगरेज संघाने प्रथम फलंदाजी करताना 20 षटकात 7 गडी बाद 169 धावा केल्या. त्यात सलमान धारवाडकरने 4 षटकार व 15 चौकारासह 113 धावा करुन दमदार शतक झळकविले. त्याला आयुष खाडेने 21 धावा करुन सुरेख साथ दिली. लेकव्ह्यूतर्फे आयुष शेटने 2 गडी बाद केले.
प्रत्युत्तरादाखल खेळताना लेकव्ह्यू टायटन्सने 20 षटकात 5 गडी बाद 140 धावा केल्या. त्यात श्रेयस पाटीलने 7 चौकारासह 59, अरिहंत राजमानेने 3 चौकारासह 25 धावा केल्या. सीई पॉवरतर्फे आयुष खाडे, सलमान धारवाडकरने, शिवनेश यळ्ळूरकर यांनी प्रत्येकी 1 गडी बाद केला. दुसऱ्या सामन्यात एमसीसीसीने प्रथम फलंदाजी करताना 19.1 षटकात सर्वगडी बाद 81 धावा केल्या. विश्रुत कुंदरनाडने 2 चौकारासह 17, आयुष हुगारने 10 धावा केल्या. अॅथलेटोनतर्फे अथर्व होनगलने 3 तर श्लोक चडीचालने 2 गडी बाद केले. प्रत्युत्तरादाखल खेळताना अॅथलेटोनने 10.3 षटकात 1 गडी बाद 82 धावा करुन सामना 9 गड्यांनी जिंकला. त्यात श्लोक चडीचालने 6 चौकारासह नाबाद 36, वैश्णवी कांबळेने 4 चौकारासह 23 धावा केल्या. एमसीसीसीतर्फे समर्थने 1 गडी बाद केला.
