रोटरी क्लब पदाधिकाऱ्यांचे अधिकारग्रहण

बेळगाव : रोटरी क्लब ऑफ बेळगावच्या नूतन पदाधिकाऱ्यांचा अधिकारग्रहण समारंभ नुकताच उद्यमबाग येथे फौंड्री क्लस्टरच्या सभागृहात पार पडला. क्लबच्या अध्यक्षपदी जयदीप सिद्दण्णावर तर सेक्रेटरीपदी मनोज मिचेल यांची निवड करण्यात आली. या कार्यक्रमाला प्रमुख पाहुणे म्हणून गोवा येथील रोटरीचे माजी प्रांतपाल डॉ. विनय पै रायकर व रेणु कुलकर्णी उपस्थित होते. मावळते अध्यक्ष बसवराज विभुती यांनी स्वागत केले. अक्षय कुलकर्णी यांनी क्लबने राबविलेल्या उपक्रमांची माहिती दिली. डॉ. मनीषा हेरेकर यांना रोटेरियन ऑफ द इयर पुरस्काराने सन्मानित करण्यात आले. क्लबच्या सदस्यांनी यावर्षी 42 लाख 50 हजार रुपयांचा निधी सामाजिक कार्यासाठी रोटरी फाऊंडेशनकडे जमा केला. प्रमुख पाहुण्यांच्या हस्ते बसवराज विभुती, डॉ. सचिन माहुली, दिलीप चिटणीस, विजय पट्टणशेट्टी, सुनिश मेत्राणी, अनिश मेत्राणी, डॉ. राहुल साठे यांचा सत्कार करण्यात आला. सूत्रे स्वीकारल्यानंतर जयदीप सिद्दण्णावर यांनी वर्षभरात राबविल्या जाणाऱ्या उपक्रमांची माहिती दिली. यावेळी उपाध्यक्ष सुहास चांडक, संदीप नाईक, नितीन गुज्जर, मनोज पै, तुषार पाटील, विशाल पट्टणशेट्टी, सचिन बिच्चू यासह इतर सदस्य उपस्थित होते.