डॉमनिका येथील विंडसर पार्क येथे भारत व विंडीज यांच्यातील पहिल्या कसोटी सामन्याला सुरुवात झाली. यावेळी भारताचा दिग्गज फिरकीपटू रविचंद्रन अश्विनने तेगनारायणचा 12 धावांवर त्रिफळा उडवत भारताला पहिले यश मिळवून दिले. विशेष म्हणजे ही विकेट घेत अश्विनचे नाव अनोख्या पद्धतीने नोंदवले गेले. अश्विन हा कसोटी क्रिकेटमध्ये वडील आणि मुलाला बाद करणारा इतिहासातील पहिलाच गोलंदाज ठरला आहे. अश्विनने शिवनारायण चंद्रपॉलला 2011 मध्ये पहिल्यांदा बाद केले होते. आता त्याने 2023 मध्ये त्याचा मुलगा तेगनारायण चंद्रपॉलला पहिल्यांदाच बाद केले. अश्विनने विंडीजच्या दोन्ही सलामीवीरांना बाद केले. याचबरोबर तो आंतरराष्ट्रीय क्रिकेटमध्ये 700 विकेट्स घेण्यापासून एक विकेट दूर होता. त्याने आजच्या सामन्यात अजून एक विकेट घेतली तर तो भारताकडून 700 विकेट्स घेणारा तिसरा गोलंदाज ठरणार आहे. यापूर्वी अनिल कुंबळेने 953 तर हरभजन सिंगने 707 आंतरराष्ट्रीय विकेट्स घेतल्या आहेत.
Tarun Bharat Portal
Parasharam Patil is a versatile content writer, scriptwriter, and content producer at Tarun Bharat Media. Specializes in editorial news, local news entertainment, and political content. His captivating storytelling and deep industry knowledge make him an expert in crafting engaging narratives.
Related Posts
