रत्नागिरी शहरात आषाढी एकादशी निमित्त वारकरी दिंडीचे आयोजन करण्यात आले होते. या दिंडीला रत्नागिरीकरानी उत्स्फूर्त प्रतिसाद दिला. शहरातील मारुती मंदिर सर्कल ते प्रतीक पंढरपूर समजल्या जाणाऱ्या श्री विठ्ठल रखुमाई मंदिरात जाऊन या वारकरी दिंडी दिंडीचा समारोप झाला. टाळ मृदुंगाचा गजर आणि हरिनामा चा जयघोष करत काढण्यात आलेल्या या दिंडीमुळे वातावरण भक्तिमय होऊन गेले होते. हातात भगवे ध्वज, डोक्यावर टोपी, कपाळी टिळा आणि वारकरी पेहरावात बहुसंख्येने रत्नागिरीकर सहभागी झाले होते.
