ऑनलाईन पैसे पाठवल्याचा बहाणा करून तिघांना गंडा
कराड / प्रतिनिधी
कराडच्या बाजारपेठेतून सव्वा लाखाची कपडे खरेदी करत कापड व्यापाऱयास ऑनलाईन पैसे पाठविल्याचा बनावट क्रीनशॉट दाखवत फसवणूक करणारास पोलिसांनी अटक केले. या प्रकाराने खळबळ उडाली. शहर पोलीस ठाण्याच्या गुन्हे प्रकटीकरण शाखेच्या पथकाने प्रसंगावधान राखत संशयिताला पकडले. शहेनशहा शरीफ शेख (रा. हैद्राबाद) असे अटक करण्यात आलेल्याचे नाव आहे.
वरिष्ठ पोलीस निरिक्षक बी. आर. पाटील यांच्या सूचनेनुसार रचलेल्या सापळ्यात संशयित अडकला. याबाबत कापड व्यापारी अभिषेक रमेश जैन यांनी शहर पोलीस ठाण्यात फिर्याद दिली आहे. पोलिसांनी दिलेल्या माहितीनुसार, शिवाजी क्लॉथ मार्केटमध्ये अभिषेक जैन यांचे कापड दुकान आहे. शहेनशहा शेख हा त्यांच्या दुकानात कपडे खरेदी करण्यासाठी आला होता. त्याने दोन तास दुकानात थांबून कपडय़ांची निवड केली. दुकानातून त्याने 79 हजार रुपयांचे कपडे खरेदी केले. तसेच पैसे ऑनलाईन पाठविणार असल्याचे त्याने सांगितले. अभिषेक जैन यांनीही त्याला ‘क्युआर कोड’ दिला. शहेनशहा शेख याने क्युआर कोड स्कॅन करण्याचा बहाणा करीत पैसे पाठविल्याचा खोटा क्रीनशॉट अभिषेक जैन यांना दाखवला. मात्र, खात्यावर पैसे जमा झाल्याचा मेसेज जैन यांच्या मोबाईलवर आला नाही. त्याबाबत जैन यांनी शहेनशहा याला विचारले असता, सर्व्हरला अडचण असेल, माझ्याकडून पैसे गेले आहेत, थोडय़ा वेळाने तुम्हाला मेसेज येईल, असे सांगून तो तेथून निघून गेला. मात्र, अभिषेक जैन यांच्या खात्यावर पैसे जमा झाले नाहीत.
दरम्यान, शहरातील अन्य दोन कापड दुकानांमध्येही शहेनशहा याने असाच प्रकार केला. त्याने संबंधित दुकानांपैकी एका दुकानातून 39 हजार तर दुसजया दुकानातून 4 हजार 500 रुपयांची कपडे खरेदी केली. पैसे पाठविल्याचा क्रीनशॉट दाखवला. मात्र, संबंधित दुकानदारांना पैसे मिळाले नाहीत. याबाबतची माहिती गुन्हे प्रकटीकरण शाखेला मिळाल्यानंतर पोलिसांनी सापळा रचून शहेनशहा शेख याला ताब्यात घेऊन अटक केले. सहाय्यक पोलीस निरीक्षक अमित बाबर तपास करीत आहेत.
