१७ वर्षाखालील खो -खो स्पर्धेत आरोस हायस्कूल तालुक्यात प्रथम

न्हावेली /वार्ताहर
क्रिडा व युवक सेवा संचनालय महाराष्ट्र राज्य पुणे अंतर्गत जिल्हा क्रिडा परिषद सिंधुदुर्ग आणि जिल्हा क्रिडा अधिकारी कार्यालय सिंधुदुर्ग यांचायावतीने सावंतवाडी तालुकास्तरीय खो खो स्पर्धा नेमळे येथे आयोजित करण्यात आली होती. या स्पर्धेत सावंतवाडी तालुक्यातील अनेक शाळांनी सहभाग घेतला होता.स्पर्धेत १७ वर्षे वयोगटातील स्पर्धेतील अंतिम सामना रंगला तो कळसुलकर हायस्कूल विरुद्ध आरोस पंचक्रोशी विद्या विकास हायस्कूल यात आरोस पंचक्रोशी विद्या विकास हायस्कूल संघ अंतिम विजेता ठरला.या संघाला शाळेचे क्रिडाशिक्षक अनिल नाईक यांचे मार्गदर्शन लाभले.विजेत्या संघाचे संस्था अध्यक्ष रोहिदास सावंत,उपाध्यक्ष नीलेश परब,सेक्रेटरी राजन नाईक,संस्थेचे पदाधिकारी,प्रशालेचे मुख्याध्यापक शिरीष नाईक,शिक्षक,शिक्षकेतर,कर्मचारी, पालक,ग्रामस्थ यांनी अभिनंदन करुन पुढील वाटचालीस शुभेच्छा दिल्या.