सेनादलचा कुस्ती संघ जर्मनीला रवाना

बेळगाव : जर्मनीतील वर्ल्ड ड्रॉप येथे होणाऱ्या सीआयएसएफ मार्शल आर्ट वर्ल्ड सेनादल विश्व कुस्ती स्पर्धेसाठी भारतीय सेनादल कुस्ती संघ  8 कुस्तीपटू व प्रशिक्षक विनायक दळवी यांच्या नेतृत्वाखाली जर्मनीला रवाना झाला आहे. या भारतीय संघात प्रशिक्षक म्हणून बेळगावचे ज्येष्ठ कुस्तीपटू व सेनादलाच प्रमुख प्रशिक्षक विनायक दळवी, फिजिओ फिरोज मकानदार यांची नियुक्ती करण्यात आली आहे. या संघात फ्रीस्टाइल ज्युनिअर विश्व कुस्ती स्पर्धेत सहभागी घेतलेला 65 किलो वजनी गटात मोहित कुमार, ऑलिम्पिक दीपक पुनीया, 125 किलो वजनी गटात दिनेश, 74 किलो वजनी गटात जयदीप, महिला गटात एशियन पदक  सोनू, 68 किलो वजनी गटात प्रियंका, 53 किलो वजनी गटात ज्योती, 70 किलो वजनी गटात रितिका  या सर्व कुस्तीपटू समावेश आहे. या सर्व कुस्ती संघाचे सेनादलाच्या प्रमुख अधिकाऱ्यांच्या हस्ते स्वागत करून त्यांना शुभेच्छा देण्यात आल्या. यापूर्वीच्या कुस्ती स्पर्धेत भारताने उत्तम कामगिरी बजावली होती, यावेळीही उत्तम कामगिरी करतील अशी अपेक्षा आहे.  सदर 8 कुस्तीपटूं व प्रशिक्षकासह भारतीय सेनादलाचा हा कुस्ती संघ दोहा मार्गे जर्मनीला रवाना झाला आहे.