आर्मी पब्लिक स्कूलचे ज्युडो स्पर्धेत चमक

बेळगाव : आर्मी पब्लिक स्कूल, एमएलआयआरसी बेळगावच्या ज्युडो खेळाडूंनी शिर्डी, महाराष्ट्र येथे नुकत्याच पार पडलेल्या सीबीएसई दुसऱ्या दक्षिण विभागीय ज्युडो चॅम्पियनशिप 2025 स्पर्धेमध्ये 12 पदके पटकावले आहेत तर या शाळेच्या सहा खेळाडूंची राष्ट्रीय ज्युडो स्पर्धेसाठी निवड झाली आहे. शिर्डी, महाराष्ट्र येथे दि. 4 ते दि. 6 ऑगस्ट दरम्यान सीबीएसई दुसऱ्या दक्षिण विभागीय ज्युडो स्पर्धेचे आयोजन करण्यात आले होते. या स्पर्धेत आर्मी पब्लिक स्कूल, एमएलआयआरसीचे खेळाडू आर्या मुचंडी, समर्थ माने, अनुष्का भोसले, तृप्ती बस्तवाडकर, अभिमन्यू गुरव व श्रेया वासुलकर यांना रौप्य पदक तर  पृथ्वीराज महाडिक, सावनकुमार हडपड, अभय लकुंडी, आयुष पवार, कार्तिक श्रीरंगशेट्टी व झिक्रा बिष्टी यांनी कांस्य पदक पटकावले आहेत. यामधील सहा ज्युडो खेळाडू राजस्थान येथील श्रीगंगानगर येथे आयोजित सीबीएसई राष्ट्रीय स्पर्धेसाठी पात्र ठरले आहेत. या खेळाडूंना  प्रशिक्षक रेखा  जांगळेचे मार्गदर्शन तर मुख्याध्यापकचे प्रोत्साहन लाभत आहे.