लोकप्रिय गायक अरमान मलिकने एका खासगी सोहळ्यात प्रेयसी आशना श्रॉफसोबत विवाह केला आहे. नवविवाहित दांपत्याने सोशल मीडियावर विवाहाची छायाचित्रे चाहत्यांसोबत शेअर केली आहेत. अरमान मलिक आणि अशान यांची प्रेमकहाणी त्यांच्या साखरपुड्यानंतर चर्चेत आली होती. यानंतर दोघांनी परस्परांना जीवनाचा जोडीदार केले आहे. दोघांनीही अत्यंत मोजक्या लोकांच्या साक्षीने विवाह केला आहे.
अरमान मलिकने छायाचित्रांना दिलेले कॅप्शन चाहत्यांची मने जिंकणारी आहे. आशनासोबतचे छायाचित्र शेअर करत अरमानने ‘तू ही मेरा घर’ असे नमूद केले आहे. अरमानने ऑगस्ट 2023 मध्ये आशनाला प्रपोज केले होते. नंतर तिने प्रेयसीसाठी ‘कसम से-द प्रपोजल’ नावाने एक म्युझिक व्हिडिओ देखील जारी केला होता. सुमारे दोन महिन्यांनी दोघांनी अधिकृतपणे साखरपुडा केला होता. याची छायाचित्रे देखील त्यांनी चाहत्यांसोबत शेअर केली होती.
अरमान हा ‘वजह तुम हो’, ‘बोल दो ना जरा’ आणि ‘बुट्टा बोम्मा’ यासारख्या गाण्यांसाठी लोकप्रिय आहे. अरमानने यापूर्वी ब्रिटिश गायक एड शीरनचे गाणे 2 स्टेपच्या नव्या वर्जनवर त्याच्यासोबत मिळून काम केले होते. तर आशाना ही फॅशन आणि ब्यूटी ब्लॉगर तसेच युट्यूबर आहे.
