26.463 किमीच्या रिठाला-कुंडली कॉरिडॉरचा मार्ग मोकळा
दिल्ली
दिल्ली मेट्रोच्या चौथ्या टप्प्याला केंद्रीय मंत्रिमंडळाची मंजुरी मिळाल्याचेही अश्विनी वैष्णव यांनी सांगितले. 9.5 लाख कोटी रुपयांच्या प्रकल्पांसाठी निर्णय घेण्यात आले आहेत. दहा वर्षांत 745 किमीची दिल्ली मेट्रो बांधली असून ती पूर्वीपेक्षा तिप्पट असल्याचे अश्विनी वैष्णव म्हणाले. मंत्रिमंडळाने दिल्ली मेट्रो फेज-4 प्रकल्पाच्या रिठाला-कुंडली कॉरिडॉरला मंजुरी दिली आहे. याची एकूण लांबी 26.463 किमी आहे. या कॉरिडॉरमुळे राष्ट्रीय राजधानी आणि शेजारील हरियाणा यांच्यातील कनेक्टिव्हिटी आणखी सुधारेल. ही लाईन सध्या कार्यरत असलेल्या शहीद स्थळ (नवीन बस स्टँड) रिठाळा (रेड लाईन) कॉरिडॉरचा विस्तार असेल आणि राष्ट्रीय राजधानीच्या उत्तर-पश्चिम भागातील नरेला, बवाना, रोहिणीचा काही भाग इत्यादींमध्ये संपर्क वाढवेल. या संपूर्ण मार्गावर 21 स्थानके असतील. या कॉरिडॉरची सर्व स्टेशन्स एलिव्हेटेड असतील.
