म. ए. समितीतर्फे आदर्श शिक्षकांचा सत्कार

खानापूर : खानापूर तालुका म. ए. समितीच्यावतीने रविवारी येथील शिवस्मारकाच्या माजी आमदार कै. व्ही. वाय. चव्हाण सभागृहात झालेल्या बैठकीत तालुक्यातील आदर्श शिक्षकांचा, तालुक्मयातून सैन्यदलात भरती झालेल्या तरुणींचा तसेच अबॅकस परीक्षेत यश मिळविलेल्या विद्यार्थिनींचा शाल, श्रीफळ आणि स्मृतिचिन्ह देऊन सत्कार करण्यात आला. अध्यक्षस्थानी समितीचे अध्यक्ष गोपाळ देसाई हेते. सुरुवातीला कार्याध्यक्ष निरंजन सरदेसाई यांनी प्रास्ताविक केले. सचिव आबासाहेब दळवी यांनी स्वागत केले. यानंतर आदर्श पुरस्कार प्राप्त झालेले शिक्षक सुरेश घुग्रेटकर, तुकाराम सुतार, मष्णू चोर्लेकर, जोतिबा गुरव, पुंडलिक कुंभार व महेश सडेकर या शिक्षकांचा सत्कार करण्यात आला. यानंतर सैन्य दलात भरती झालेल्या रोहिणी नांदुरकर, ललिता गुरव, अश्विनी पाटील, योगिता नाळकर, सोनाली घाडी, अश्विनी देसाई, संयुक्ता गुंडपकर, पूजा हुंद्रे, राणी पाटील, माधुरी अंधारे, मयुरी अंधारे यांचा सत्कार करण्यात आला. तसेच ब्रैनोब्रैन आंतरराष्ट्रीय परीक्षेत यश मिळविलेल्या सिद्धी कदंब-पाटील या सर्वांचा माजी आमदार दिगंबर पाटील, अध्यक्ष गोपाळ देसाई, कार्याध्यक्ष मुरलीधर पाटील, मारुती परमेकर, बी. बी. पाटील, केशव कळ्ळेकर, रमेश धबाले यांच्या हस्ते सत्कार करण्यात आला. यावेळी सत्कारमूर्तींनी मनोगत व्यक्त केले. आबासाहेब दळवी यांनी आभार मानले.