रत्नागिरी प्रतिनिधी
अधिकारी प्रशांत दैठणकर यांची बीड जिल्ह्याचे माहिती अधिकारी म्हणून बदली झाली आहे. त्यांच्या जागी आता प्रशांत सातपुते यांची रत्नागिरीचे नवे माहिती अधिकारी म्हणून नियुक्ती झाली आहे. तसे आदेश शुक्रवारी शासनाने दिले आहेत. सुमारे साडेचार वर्ष प्रशांत दैठणकर हे रत्नागिरीचे जिल्हा माहिती अधिकारी म्हणून कार्यरत होते. कोरोना काळात त्यांनी स्वत: आजारी असतानाही शासनाची बाजू जनतेसमोर आणण्यासाठी उत्तम माहिती उपलब्ध करून दिली होती. शासन आणि रत्नागिरीतील माध्यमे यांच्यात ते उत्तम दुवा ठरले होते. प्रशांत दैठणकर यांची बदली झाली असून त्यांच्या जागी पणजी गोवा येथील वरिष्ठ सहाय्यक संचालक (माहिती) प्रशांत सातपुते हे रत्नागिरीचे माहिती अधिकारी म्हणून रुजू होणार आहेत.
