पाणीपुरवठा करणाऱ्या टँकरना जीपीएस लागू करा : सरदेसाई

पणजी : पिण्याचे पाणी देण्यासाठी वापरले जाणारे टँकर सांडपाण्याची देखील वाहतूक करतात हे आमदार विजय सरदेसाई यांनी विधानसभेत शुन्य तासाला निदर्शनास आणले आणि त्यांच्यासाठी आरोग्य खात्याची एनओसी नसल्याबद्दल आश्चर्य व्यक्त केले. त्यांच्याकरीता जीपीएस लागू करा, अशी मागणी त्यांनी केली. पिण्याच्या पाण्याची वाहतूक करणारे 857 टँकर आहेत. त्यातील 5 टॅंकर सांकवाळ येथे दोन्ही प्रकारची वाहतूक करताना लोकांनी पकडले, पण त्यांच्याकडे जलस्रोत खात्याची नोंदणी नाही. आरोग्य खात्याची एनओसी नाही. त्यामुळे हे सर्व बेकायदेशीरपणे चालू असून प्रत्येक टँकरवर जलस्रोत खात्याची नोंदणी आरोग्य एनओसी सक्तीची करा, असेही सरदेसाई म्हणाले.