अपूर्वाला राष्ट्रीय स्पर्धेत रौप्य पदक

बेळगाव : उत्तर प्रदेशातील प्रयागराज येथील मदन मोहन मालवीय स्पोर्ट्स स्टेडियममध्ये झालेल्या 23 व्या ज्यु.राष्ट्रीय 20 वर्षाखालील अॅथलेटिक्स चॅम्पियनशिप  स्पर्धेत अनगोळ येथील अपूर्वा इनाईकने कर्नाटकाचे प्रतिनिधित्व करत 20 वर्षांखालील मुलींच्या 400 मीटर अडथळा शर्यतीत रौप्य पदक पटकविले आहे. अपूर्वा  नाईकने 1:01.92 वेळ नोंदवत रौप्य पदक पटकावले,एनसीओई पटियालाच्या तनु चौधरी (1:01.09) हा वेळ देऊन सुवर्ण पदक पटकावली तर दिल्लीच्या हर्षिता गोस्वामीने (1:02.59) कांस्यपदक पटकावले. अपूर्वा लिंगराज महाविद्यालयात बी कॉम प्रथम वर्षात शिकते तर डेपो मैदानावर क्रीडा भारती केंद्र येथे सराव करत आहे. लिंगराज महाविद्यालयाचे क्रीडा प्राचार्य डॉ. रामराव, व अॅथलेटिक्स असोसिएशनचे सेक्रेटरी व प्रशिक्षक अशोक बी शिंत्रे,मधूकर देसाई यांचे मार्गदर्शन लाभत आहे व आई वडिलांचे प्रोत्साहन मिळत आहे.