अपोलो सर्कसचे आमदार राजू सेठ यांच्या हस्ते उद्घाटन

बेळगाव : अपोलो सर्कस यांच्यावतीने सीपीएड मैदानावर आयोजित करण्यात आलेल्या सर्कसचे गुरुवार दि. 14 रोजी रात्री 7.30 च्या दरम्यान आमदार राजू सेठ यांच्या हस्ते फीत कापून उद्घाटन करण्यात आले. अपोलो सर्कस आयोजित गुरुवारपासून येथील सीपीएड मैदानावर आयोजन करण्यात आले आहे. दररोज तीन शो चालणार असून गुरुवारी पहिल्या दिवशी उत्तर विधानसभा मतदारसंघाचे आमदार राजू सेठ व इतर मान्यवरांच्या हस्ते दीपप्रज्वलन करण्यात आले. त्यानंतर आमदार सेठ यांच्या हस्ते फीत कापून सर्कसचे उद्घाटन करण्यात आले. पहिल्या दिवशीच सर्कस पाहण्यासाठी मोठी गर्दी झाली होती. यावेळी कलाकारांनी सादर केलेल्या विविध कला पाहून प्रेक्षक भारावून गेले. कर्नाटक राज्यातील विविध जिल्ह्यांमध्ये अपोलो सर्कसच्यावतीने यापूर्वी सादरीकरण करण्यात आले आहे. पण बेळगाव येथे ही पहिलीच वेळ आहे.