जायन्ट्स ग्रुप ऑफ पणजीचे अनुप गावणेकर अध्यक्ष

पणजी : जायन्ट्स ग्रुप ऑफ पणजीच्या अध्यक्षपदाचा ताबा अनुप गावणेकर यांनी नुकताच स्वीकारला. मिरामार येथील क्लब टेनिस द गास्पर डायसमध्ये  हा शपथग्रहण  सोहळा झाला. ही नवी समिती 2023-2024 या सालासाठी असून यावेळी उपाध्यक्ष म्हणून लक्ष्मीकांत आमोणकर, बिपीन कारापूरकर, प्रशासन संचालक म्हणून शुक्र उसगांवकर, वित्त संचालक म्हणून राजेंद्र कामत, संचालक म्हणून राजेश तारकर, भालचंद्र आमोणकर, भावेश दोशी उदय आमोणकर, ओंकार वायगंणकर यांनी शपथ घेतली. या कार्यक्रमाला प्रमुख पाहुणे म्हणून ज्येष्ठ पत्रकार प्रमोद आचार्य उपस्थित होते. प्रमोद आचार्य यांनी संस्थेच्या कार्य पद्धतीबद्दल गौरवोदगार  काढले. संस्थेच्या पुढील कार्यासही त्यांनी शुभेच्छा दिल्या. फेडरेशनचे अध्यक्ष उमेश नाईक यांनी यावेळी भाषण केले. नवीन अध्यक्ष अनुप गावणेकर यांचे सुद्धा यावेळी भाषण झाले. व्यासपीठावर जायन्ट वेलफेयर फॉउंडेशनचे केंद्रीय समितीचे सदस्य संदीप नाडकर्णी, वर्षा नाईक आणि स्पेशल समितीचे सदस्य नाझारेत वाझ उपस्तित होते. यावेळी नवीन सदस्य प्रकाश म्हाबरे यांना शपथ दिली. शपथग्रहण अधिकारी म्हणून शैलेश फळदेसाई यांनी काम पहिले. मावळते अध्यक्ष राजू चोडणकर यांनी स्वागत केले. राजेश तारकर यांनी प्रकल्प अहवाल सादर केला. रोहिदास वायगंणकर यांनी पाहुण्यांची ओळख करून दिली. कार्यक्रमाच्या सुरवातीला दीप प्रज्वलन करून प्रार्थना म्हणण्यात आली. त्यानंतर मान्यवरांना पुष्पगुच्छ प्रदान करण्यात आली. भालचंद्र आमोणकर यांनी सूत्रसंचालन केले तर शुक्र उसगांवकर यांनी आभार मानले.