साहसी जलतरण स्पर्धेत बेळगावच्या अनिश पै ला रौप्य

बेळगाव : मुंबई येथे महाराष्ट्र राज्य अमॅच्युचर अॅक्वेटिक संघटना आयोजित राष्ट्रीय समुद्रीय जलतरण स्पर्धेत बेळगावचा स्वीमर्स व अॅक्वेरियसचा खेळाडू अनिश अजय पै ने दुसऱ्या क्रमांकासह रौप्य पदक पटकाविले.साहसी जलतरण स्पर्धेत पदक मिळविणारा अनिश हा तिसरा खेळाडू आहे. मुंबईच्या गेटवे ऑफ इंडिया नजीकच्या समुद्रात अनिश पै ने सहभाग घेवून 42.57 सेकंद इतका वेळ घेत 5 कि.मी.चे अंतर पूर्ण करीत दुसऱ्या क्रमांकासह रौप्य पदक मिळविले.अनिशला केवळ एका सेकंदामुळे सुवर्ण पदकापासून वंचित रहावे लागले. यापूर्वीही अनिशने साहसी जलतरण स्पर्धेत प्रथम क्रमांक पटकाविला होता. त्याच्याबरोबर 9 वर्षीय स्कंद घाटगेने दिव्यांग गटात दुसरा क्रमांक मिळविला. अनिश पै हा केएलई इंटरनॅशनल स्कूलमध्ये इयत्ता नववीमध्ये शिकत असून पै हॉटेलचे मालक अजय पै यांचा तो चिरंजीव आहे. सदर स्पर्धेत संपूर्ण देशातून 500 हून अधिक जलतरणपटूंनी सहभाग घेतला होता. स्कंद व अनिश यांनी या स्पर्धेत भाग घेवून बेळगाव, हैद्राबाद, महाराष्ट्र, मुंबई, तेलंगणा येथून खेळाडू सहभागी झाले होते. त्याला स्केटिंग प्रशिक्षक उमेश कलघटगीसह इतर जलतरण प्रशिक्षकांचे मार्गदर्शन लाभत असून अजय पै यांचे प्रोत्साहन लाभत आहे.