वृत्तसंस्था / नवी दिल्ली
15000 अमेरिकन डॉलर्स एकूण बक्षीस रक्केमच्या पीएसए चॅलेंजर बोस्टन खुल्या स्क्वॅश स्पर्धेत भारताची राष्ट्रीय विजेती महिला स्क्वॅशपटू अनहात सिंगचे आव्हान उपांत्यपूर्व फेरीत संपुष्टात आले.
उपांत्यपूर्व फेरीच्या सामन्यात इजिप्तच्या जेना स्वेफायने अनहात सिंगचा 11-4, 11-9, 6-11, 3-11, 11-5 अशा गेम्समध्ये पराभव करत उपांत्य फेरीत स्थान मिळविले. या लढतीमध्ये अनहात सिंगने तिसरा आणि चौथा गेम जिंकला होता. अनहात सिंगला यास्पर्धेत पहिल्या फेरीत पुढे चाल मिळाली होती तर पुढील फेरीत तिने अमेरिकेच्या चार्लोटी झीचा 11-4, 11-6, 9-11, 11-8 असा पराभव केला होता.
