के. आर. शेट्टी चषक, 12 वर्षाखालील क्रिकेट स्पर्धा
बेळगाव : के. आर. शेट्टी स्पोर्ट्स फौंडेशन आयोजित दुसऱ्या के. आर. शेट्टी चषक 12 वर्षाखालील आंतर क्लब क्रिकेट स्पर्धेत शुक्रवारी खेळविण्यात आलेल्या सामन्यात आनंद क्रिकेट अकादमीने युनियन जिमखाना ब चा 99 धावांनी तर निना क्रिकेट अकादमी बेळगाव स्पोर्ट्स क्लबचा 31 धावांनी पराभव करून प्रत्येकी 2 गुण मिळवले. हरिश जाधव नीना, आरुष आनंद अकादमी यांना सामनावीर पुरस्कार देण्यात आला. य् ाgनियन जिमखाना मैदानावरती आयोजित करण्यात आलेल्या या स्पर्धेच्या उद्घाटन प्रसंगी प्रमुख पाहुणे प्रणय शेट्टी, पुणित शेट्टी, उद्योगपती किरण बेनकट्टी, विनोद पाटील, मिलिंद चव्हाण, आनंद करडी, राघवेंद्र, रवि पिल्ले, अनिल गवी, सचिन साळुंखे व प्रशांत लायंदर आदी मान्यवर उपस्थित होते. पहिल्या सामन्यात आनंद अकादमी क्रिकेट संघाने प्रथम फलंदाजी करताना 25 षटकात 3 गडी बाद 227 धावा केल्या. त्यात आरुषने 8 षटकार, 9 चौकारासह 68 चेंडूत 121 धावा करून स्पर्धेतील पहिले शतक झळकविले. त्याला अम्मारने 1 षटकार, 6 चौकारासह 42 धावा केल्या. प्रत्युत्तरादाखल खेळताना युनियन जिमखाना संघाने 25 षटकात 9 गडी बाद 128 धावा केल्dया. त्यात सलमानने 7 चौकारासह 50 धावा केल्या. आनंदतर्फे अनिश व्ही. ने 16 धावात 4, अथर्व करडी 15 धावात 2 गडी बाद केले. दुसऱ्या सामन्यात नीना अकादमीने 25 षटकात 6 गडी बाद 169 धावा केल्या. त्यात कृष्णा पिसेने 1 षटकार 7 चौकारासह 63 व झियान सलीमवाले 3 चौकारासह 31 धावा केल्या. बेळगाव स्पोर्ट्सतर्फे अनघने 25 धावात 2 गडी बाद केले. प्रत्युत्तरादाखल खेळताना बेळगाव क्लबतर्फे 25 षटकात 6 गडी बाद 138 धावाच केल्या. त्यात दर्शने 1 षटकार, 3 चौकारासह 46 धावा केल्या. नीनातर्फे हर्ष जाधव 24 धावात व समर्थने 25 धावात 2 गडी बाद केले
